Հեծանվորդության երեք օգտակար հատկությունները
Ամերիկայում հեծանվավազքի և մրցավազքի մասնակից Գերարդ Գուլեվիցը կիսվում է իր փորձով և խոսում հեծանվորդության երեք օգտակար հատկությունների մասին:

Հեծանիվ քշելը նպաստում է քաշ կորցնելուն

Կարելի է ասել, որ հեծանվորդությունը այն առողջարար միջոցներից է պահպանելու լավ մարզավիճակը, միևնույն ժամանակ այրելու ճարպերը: Հեծանվորդությունը հիանալի միջոց է ոչ միայն քաշ կորցնելու, այլ նաև  ֆիզիկական ակտիվության համար: Այս ամենի հետ մեկտեղ այն նաև բավականին հետաքրքիր ու հաճելի է, նույնիսկ եթե սկիզբը երբեմն դժվար է լինում:

Հեծանիվ քշելը բարելավում է սրտանոթային համակարգի աշխատանքը

Հեծանվորդությունը բարելավում է սրտանոթային համակարգի աշխատանքը և խթանում նյութափոխանակությունը, միայն թե պետք է պահպանել համապատասխան արագությունը: Շատ հաճախ սկսնակ հեծանվորդներ նույն սխալն են թույլ տալիս՝ հեծանիվը չափից դուրս արագ են վարում: «Հեծանիվ նստիր ու սլացիր»: Հենց այսպես են մտածում շատ մարդիկ, սակայն սա սխալ մոտեցում է, եթե իսկապես ցանկանում եք բարելավել առողջությունը: Այս դեպքում ամենակարևորը ճիշտ ինտենսիվությունն ու տևողությունն են:

Հեծանիվ քշելը և դրա ազդեցությունը

Հեծանվորդությունը զարգացնում է դիմացկունությունը և արագացնում ճարպերի այրումը: Ինչպես լողը, այնպես էլ հեծանվորդությունը ամենաարդյունավետ մարզանքն է հոդերի համար: Ահա թե ինչու այն հատկապես լավ է չափազանց գեր մարդկանց համար: Ինչպես նաև եթե ծնկի հետ կապված խնդիր ունեք, հեծանիվ քշելով կմեղմացնեք ցավը. հեծանիվի ոտնակների շրջանաձև և անընդմեջ շարժը ուժեղացնում է ոտքի մկանները առանց ավելորդ ճնշման, ինչպես օրինակ վազքը: Մի քանի կիլոգրամ քաշ կորցնելու հետ զուգընթաց այն նաև նպաստում է հոդերի ամրապնդմանը:

 

 

Որքա՞ն հաճախ է պետք հեծանիվ քշել

Ցանկանու՞մ եք շատ երկար հեծանիվ քշել, սակայն չգիտեք, թե շաբաթական քանի անգամ է հարկավոր զբաղվել հեծանվորդությամբ: Ինչպես նշում է Գերարդը, առաջին հերթին, եթե հեծանիվը քշում եք ճիշտ արագությամբ, ապա երբեք հեծանիվ քշելը շատ չի լինում: Իրականում, ավելի լավ է մեքենան թողնել ավտոտնակում և փոխարենը հեծանիվ քշել: Օրինակ, եթե ամեն օր 20 րոպե հեծանիվ քշելով գնաք աշխատանքի և հետ գաք, ապա 5 օրվա ընթացքում արդեն մարզված կլինեք 3 ժամ և 20 րոպե, որը բավականին կնպաստի սրտանոթային համակարգի աշխատանքին:

Եթե սկսնակ վազորդ եք, ապա առաջին շաբաթվա ընթացքում հեծանիվը քշեք 2 անգամ 30 րոպե տևողությամբ: Երկրորդ շաբաթվա ընթացքում ավելացրեք ևս 30 րոպե: Արդեն երրորդ շաբաթվա ընթացքում կարող եք յուրաքանչյուր հեծանվավազք երկարացնել 5-ից 10 րոպեով: Իսկ ավելի երկար հեծանվավազքի համար ժամանակ է հարկավոր: Եվ միշտ հիշեք. «Տարածությունը չէ, որ խանգարում է ձեզ, այլ արագությունը»:

Հավանաբար մեզնից շատերն են կարծում, թե 30 րոպե հեծանվավազքը ոչինչ է, սակայն, փաստն այն է, որ սրտանոթային համակարգի համար մարզանքը պետք է լինի առնվազն 20 րոպե, որի ողջ ընթացքում պետք է անընդմեջ կատարել ֆիզիկական վարժություններ, իսկ 30 րոպեն առաջին հեծանվավազքի համար արդեն իսկ ավելին է: Եվ իհարկե, հետևելով այն խորհրդին՝ ավելի շահագրգռված և պատրաստ կլինեք հաջորդ հեծանվավազքին:

 Նյութը՝ https://www.runtastic.com/