Թեթև մարզանքի կարևորությունը սկսնակների համար
Ամսագրերում, սոցիալական լրատվամիջոցներում, ինչպես նաև մարզասրահում հաճախ ենք հանդիպում շատ լավ մարզավիճակում գտնվող մարդկանց և հարց է ծագում, թե ինչպես է դա նրանց հաջողվում: Եթե զգում եք, որ ավելորդ քաշ եք հավաքել և շատ անհարմար է այդպես, ապա ժամանակն է մտածելու դրա մասին:

Մեկ օր տրամադրեք և կենտրոնացեք, թե ինչ կարող եք անել և, թե  ինչն է լավ ձեր օրգանիզմի համար: Այս դեպքում վազքը չի օգնի: Ավելորդ քաշով վազելը կարող է մեծ ճնշում գործադրել և բացասական ազդեցություն ունենալ ծնկների, կոճերի, ազդրերի և մեջքի ստորին հատվածի վրա: Այսպիսով, կան բազմաթիվ թեթև մարզանքներ սկսնակների համար, որոնք ավելի լավ ազդեցություն են ունենում:

Լողը

Ցատկեք լողավազանը, մի քանի շրջան լողացեք և վայելեք: Լողն իսկապես թեթև մարզանք է, որը նաև նպաստում է սրտի կանոնավոր աշխատանքին: Լողացեք 5-10 րոպե առանց դադարի և կտեսնեք արդյունքը:

Մարմնամարզությունը

Մարմնամարզությունն արդյունավետ է, քանի որ առանց մարզասրահ այցելելու կարող եք լինել առողջ և լավ մարզավիճակում: Եթե ծնկերը թույլ են, ապա ցատկը այդքան էլ խորհուրդ չի տրվում, փորձեք ավելի թեթև ֆիզիկական վարժություններ կատարել:

Քայլելը

Քայլելը թուլացնում է լարվածությունը և այրում ճարպերը առանց ավելորդ ճնշում գործադրելու հոդերի վրա: Անկախ նրանից, թե կյանքում ընդհանրապես չեք մարզվել կամ էլ, ընդհակառակը, մարզասրահի սիրահար եք, քայլելը պարտադիր պետք ընդգրկված լինի ձեր մարզվելու գրաֆիկում: Քայլելու առավելությունները բազմաթիվ են, այդ իսկ պատճառով հիանալի կլինի ազատ ժամանակը տրամադրել քայլելով մարզվելուն՝ հատկապես ծանր օրվա ավարտին լիցքաթափվելու համար:

Բարձր ինտենսիվությամբ ինտերվալային մարզումները

Խուսափեք կտրուկ, ուժեղ շարժումներով վարժություններից  և մարզվեք ձեր սովորական ռիթմով: Այս հղումով կարող եք ծանոթանալ 10 րոպե տևողությամբ բարձր ինտենսիվությամբ ինտերվալային մարզումներին, որոնք հատուկ սկսնակների համար են՝  10-minute HIIT Workout for Beginners: Իհարկե, շատերն են ցանկանում միանգամից բարձր արդյունքների հասնել, սակայն սկսնակների համար նախընտրելի են ֆիզիկական թեթև վարժությունները:

Ջրային աէրոբիկան

Զովացեք լողալով, միևնույն ժամանակ մարզվեք, քանզի ջրում մարզվելը հետաքրքիր, հաճելի և թեթև մարզանք է: Ջրային աէրոբիկան իսկապես կոփում ու գեղեցկացնում է ամբողջ մարմինը:

Վերականգնողական մարզանք գլանաձև գնդակով

Միշտ հիշեք վերականգնման մասին: Եվ սկսնակները, և պրոֆեսիոնալ մարզիկները պետք է լրջորեն վերաբերեն վերականգնմանը: Եթե անընդհատ մարզվեք և մոռանաք մկանների վերականգնման մասին, ապա ձեր օրգանիզմը պատրաստ չի լինի հետագա ավելի բարդ մարզումների համար: Հետևաբար, փորձեք հետևյալ վերականգնողական մարզանքը գլանաձև գնդակով՝ foam roller recovery workout :

Հաճույքով կատարեք ծնկների վարժությունը

Նույնիսկ աշխարհի չեմպիոնները ժամանակ առ ժամանակ պետք է կատարեն մարմնի ընդհանուր կոփման վարժություններ, ինչպես օրինակ աշխարհի և Եվրոպայի քիքբոքսերի չեմպիոն Նիկոլ Թրիմմելը խորհուրդ է տալիս կատարել համապատսախան վարժություններ ոտքերի մկանների, ծնկի և ամբողջ մարմնի ամրապնդման համար: Անկախ նրանից սկսնակ եք, թե արդեն երկար տարիներ մարզվում եք, անպայման պետք է կատարեք կայունացման և ամրապնդման մարզանքներ:

Նյութը՝ https://www.runtastic.com/