Նյութը՝ Գայանե Մելիքյանի
Լուսանկարները՝ համացանցից
Տեղադրվել է 15-07-2019
Եվրո 2019․ Գործող չեմպիոն Պորտուգալիան 3։0 հաշվով առավելության հասավ Իտալիայի նկատմամբ
Երևանում ընթացող ֆուտբոլի Եվրոպայի մինչև 19 տարեկանների առաջնության A խմբի առաջին տուրում մրցեցին մրցաշարի ֆավորիտներ՝ Իտալիան և գործող չեմպիոն Պորտուգալիան:

Պորտուգալիան բավականին վստահ սկսեց մրցաշարը՝ առաջին խաղակեսում լուծելով իր առջև դրված խնդիրը։ 

Խաղի առաջին կեսին գոլի հեղինակ դարձան Սոարես Կարդոսուն և Ռամոսը, իսկ երկրորդում՝ Ֆելիքս Կորեիան: Այսպիսով՝ գործող չեմպիոն Պորտուգալիան 3։0 հաշվով հաղթանակ տարավ Իտալիայի հավաքականի նկատմամբ։

Նշենք, որ A խմբի երկրորդ տուրում Հայաստանի հավաքականը հուլիսի 17-ին կխաղա Իտալիայի հետ (Հանրապետական մարզադաշտ,  ժամը 21:00-ին), իսկ Պորտուգալիան ուժերը կչափի Իսպանիայի հետ («Բանանց» մարզադաշտում): 

Հիշեցնենք, որ մինչև 19 տարեկանների Եվրոպայի 2019թ․-ի առաջնության մեկնարկային խաղում Հայաստանի հավաքականը 1։4 հաշվով պարտություն կրեց Իսպանիայի հավաքականից։