Նյութը՝ ՀՀ ԿԳՄՍՆ Լեզվի կոմիտեի
Լուսանկարները՝ համացանցից
Տեղադրվել է 2020-06-19 14:13
ՆԵՐԿԱՅԱՑՆՈՒՄ Է ԼԵԶՎԻ ԿՈՄԻՏԵՆ
Հորդորակ հայերեն ընդունելի համարժեքներ ունեցող օտար բառերից խուսափելու մասին (14-րդ թողարկում)

Արագ զարգացող աշխարհում, որտեղ «սահմանները» շատ մոտ են կամ վերացել են, կարևոր է պահպանել լեզուն և նպաստել բառապաշարի հարստացմանը և բնականոն զարգացմանը։ Խրախուսում ենք օտար բառեր գործածելուց հրաժարվելը և դրանց հայերեն համարժեքներին նախապատվություն տալը։

Ներկայացնում ենք օտար բառերի հայերեն համարժեքների հերթական ցանկը։

 

  1. ադմինիստրացիա – վարչակազմ (վարչական անձնակազմ), կառավարչություն 
  2. ալպինիզմ – լեռնագնացություն, լեռնարշավ
  3. ալտրուիզմ – այլասիրություն
  4. այսբերգ – սառցալեռ
  5. անալոգիա – նմանակություն, համաբանություն, համանմանություն
  6. անտիպատիա – հակակրանք
  7. անտրոպոլոգ – մարդաբան
  8. ավանտյուրիստ – 1. արկածախնդիր, 2. բախտախնդիր
  9. ավտոնոմիա – ինքնավարություն
  10. արմատուրա – ամրան
  11. արշիպելագ – կղզեխումբ
  12. բատալիոն – գումարտակ
  13. բիբլոգրաֆիա – մատենագիտություն
  14. բիոսֆերա – կենսոլորտ
  15. բուլյոն – արգանակ (մսաջուր)
  16. գազոն – 1. սիզամարգ, 2. սեզ
  17. գլոբալ – 1. համաշխարհային, 2. hամընդհանուր, ընդհանուր, համընդգրկուն, ընդգրկուն
  18. դեպրեսիա – 1. (բժշկ.) ընկճվածություն, ընկճախտ, 2. (տնտ.) անկում, լճացում
  19. դիսկ – սկավառակ
  20. ինֆոդեմիա – լրաճարակ
  21. կոնտինգենտ – համակազմ    
  22. միկրոբ – մանրէ
  23. չելենջ – մարտահրավեր, կոչ, մրցահրավեր
  24. պաթոլոգիա – ախտաբանություն
  25. պետիցիա – 1. հանրագիր, 2. խնդրագիր
  26. ռեկոմենդացիա – 1. երաշխավորություն, երաշխավորագիր, 2. հանձնարարական, հանձնարարություն, 3. խորհուրդ, առաջարկություն
  27. սիմպատիա – համակրանք
  28. վորքշոփ – աշխատաժողով
  29.  քվոտա – չափաքանակ, չափաբաժին
  30. ֆոկուսնիկ – աճպարար,  ձեռնածու