Նյութը՝ ԱՐՄԻՆՖՈ լրատվական գործակալություն
Լուսանկարները՝ ԱՐՄԻՆՖՈ լրատվական գործակալություն
Տեղադրվել է 2020-09-02 15:58
ԵՐԵՒԱՆՈՒՄ ՏԵՂԵԿԱՑՎԱԾ ՉԵՆ ՀԱՅԱՍՏԱՆՈՒՄ ԲԱԶՄԱՄԻԼԻԱՐԴԱՆՈՑ ՆԱԽԱԳԻԾ ԻՐԱԿԱՆԱՑՆԵԼՈՒ ՉԻՆԱԿԱՆ ԿՈՂՄԻ ՄՏԱԴՐՈՒԹՅԱՆ ՄԱՍԻՆ
Երեւանում տեղեկացված չեն Հայաստանում բազմամիլիարդանոց նախագիծ իրականացնելու չինական կողմի մտադրության մասին ։
Այս մասին սեպտեմբերի 2-ին ճեպազրույցի ժամանակ հայտարարել է Հայաստանի ԱԳՆ մամուլի քարտուղար Աննա Նաղդալյանը՝ պատասխանելով ԱրմԻնֆո-ի թղթակցի հարցին։ ԱրմԻնֆո-ի խնդրանքին ի պատասխան՝ մեկնաբանել <Ադկարս> գործակալության ղեկավարի հայտարարությունն այն մասին, որ գործակալությունը օգոստոսի 6-ին համաձայնագիր է ստորագրել Գիտության եւ տեխնոլոգիաների զարգացման չինական կազմակերպության, ինչպես նաեւ Չինաստանի տեխնոլոգիական ակադեմիայի հետ 15 տարվա համար նախատեսված նախագծի իրականացման շուրջ, որի համաձայն՝ Հայաստանում նախատեսվում է ներդնել 10-15 մլրդ դոլար <Խելացի քաղաք> կենտրոնի կառուցման համար, Նաղդալյանը նշել է, որ այդ նախաձեռնության մասին առաջին անգամ իմացել են վերոնշյալ գործակալության հաղորդագրությունից: Նա նաև դիմել է վերոնշյալ գործակալության ներկայացուցիչներին ՝ խնդրելով ավելի մանրամասն տեղեկատվություն տրամադրել այդ համաձայնագրի մասին ։ Դրա հետ մեկտեղ նա արձանագրել է, որ ոչ Հայաստանի ԱԳՆ-ում, ոչ կառավարական այլ կառույցներում ծանոթ չեն այդ նախաձեռնությանը ։ Ավելին, նրա համոզմամբ, երբ խոսքը վերաբերում է նման բազմամիլիարդանոց նախագծերին, որպես կանոն, երկու երկրների կառավարական կառույցներում առնվազն տեղեկացված են լինում, իսկ որոշ դեպքերում էլ ներգրավված գործընթացի մեջ, մինչդեռ այդ հարցում ոչ հայկական, ոչ չինական կողմը տեղեկատվություն չունեն: