Նյութը՝ ԱՐՄԵՆՊՐԵՍ լրատվական գործակալության
Լուսանկարները՝ ԱՐՄԵՆՊՐԵՍ լրատվական գործակալության
Տեղադրվել է 2020-12-13 09:37
ԳԱԼՍՏՅԱՆԸ ԵՎ ՉԱԼՅԱՆԸ ՊԱՐՏՎԵՑԻՆ ԱՇԽԱՐՀԻ ԳԱՎԱԹԻ ԽԱՂԱՐԿՈՒԹՅԱՆ ՔԱՌՈՐԴ ԵԶՐԱՓԱԿԻՉՆԵՐՈՒՄ
Հայաստանի հունահռոմեական ոճի ըմբիշների մի մասը դուրս մնաց աշխարհի գավաթի անհատական խաղարկությունից:

67 կգ քաշային Սլավիկ Գալստյանը քառորդ եզրափակիչում ոչ հստակ մրցավարական որոշումների պատճառով պարտվեց Ադրբեջանից Իսլամբեկ Դադովին: 77 կգ քաշային Կարապետ Չալյանը ¼ եզրափակիչում մրցեց բազմափորձ և Օլիմպիական խաղերի կրկնակի ոսկե մեդալակիր Ռոման Վլասովի հետ և պարտվեց 1:3 հաշվով:

72 կգ քաշում Մալխաս Ամոյանը դուրս է եկել կիսաեզրափակիչ, որտեղ մրցակցիը թուրք Չենգիզ Արսլանն է:

Ավելի վաղ հայտնի էր դարձել, որ 55 կգ քաշային կարգում Հայաստանի Ռուդիկ Մկրտչյանը մեկնարկային գոտեմարտում պարտություն կրեց` զիջելով Ռուսաստանը ներկայացնող Էմին Նարիմանովիչ Սեֆերշաևին: 87 կգ քաշային Արթուր Շահինյանը պարտվեց մեկնարկում:

Ըմբշամարտի աշխարհի գավաթի անհատական խաղարկությունն անցկացվում է դեկտեմբերի 12-18-ը Բելգրադում: