Ի՞նչ ուտել դիմադրողականությունը բարձրացնելու համար

  18 Նոյեմբեր 2021  102 դիտում
Ի՞նչ ուտել դիմադրողականությունը բարձրացնելու համար

Հաճախակի մրսածությունը, քնկոտությունը, էներգիայի պակասը վկայում են դիմադրողականությանը անհրաժեշտ ուշադրություն չդարձնելու մասին: Մարմինը էներգիա է ստանում սննդից՝ արտադրելով հակամարմիններ վիրուսներին դիմակայելու համար: Այնպես որ, դիմադրողականությունը բարձրացնելու համար վերանայեք ձեր ճաշացանկը։ Այն կարգավորելու դեպքում մի քանի շաբաթվա ընթացքում կզգաք դրական տեղաշարժ։

Մագնեզիում՝ սթրեսակայունության համար

Մագնեզիումը պարգևում է հանգստություն: Սթրեսային իրավիճակում՝ լինի դա անակնկալ վատ նորություն, թե գերծանարբեռնվածություն, մենք կենտրոնցանում ենք ուշադրությունն ու էներգիան լուծում գտնելու համար, իսկ մեր մարմինն օգտագործում է մագնեզիումի պաշարները հավասարակշռությունը վերականգնելու համար: Անհանգստության բացասական հետևանքները նվազեցնելու համար կարևոր է սննդակարգում ներառել մագնեզիում պարունակող մթերքներ։ Այն շատ է առաջին հերթին հանքային ջրում (1 լիտրը պարունակում է մոտ 100 մգ մագնեզիում)։ Դրանով կարելի է թեյ եփել, ապուրներ և ձավարեղեն պատրաստել: Մագնեզիում առկա է նաև ծովամթերքում, ընկույզում, պնդուկում, նուշում: Այն շատ է ամբողջական հնդկաձավարում, գարիում, վայրի և շագանակագույն բրինձում։ 

Ցինկ՝ պաշտպանական ռեակցիայի համար

Ցինկն մենակարևոր հանքանյութն է վարակների դեմ պայքարի համար։ Այն անհրաժեշտ է հակամարմինների արտադրության համար: Որտե՞ղ գտնել: Կենդանական սպիտակուցի մեջ՝ սպիտակ և կարմիր միս, ձուկ, ձու, ծովամթերք, խեցգետին: Բուսական մթերքներից ցինկը վատ է ներծծվում, ուստի բուսակերները պետք է տարին երկու անգամ արյան անալիզ հանձնեն՝ ստուգելու այս հանքանյութի մակարդակն օրգանիզմում։

Վիտամին D՝ հիվանդությունների կանխարգելման համար

Վիտամին D-ն ամրացնում է ոսկորները՝ նպաստելով կալցիումի կլանմանը: Հետազոտությունները ցույց են տալիս, որ այս վիտամինը նաև կանխում է կրծքագեղձի, շագանակագեղձի և աղիների քաղցկեղի, ինչպես նաև շաքարախտի զարգացումը։ Սննդամթերքում այս վիտամինի չափաբաժինը մեծ չէ. միայն ճարպոտ ձկնեղենը բավարար չէ, բայց չմոռանաք, որ վիտամին D-ն մեր օրգանիզմում ձևավորվում է արևի լույսի ազդեցության շնորհիվ։ Առնվազն երկու օրը մեկ անգամ 15 րոպե անցկացրեք արևի տակ: Գարնանը և ամռանը դա դժվար չէ, իսկ աշնանն ու ձմռանն արժե դեղատնային վիտամին D ընդունել։

Վիտամին C՝ էներգիայի համար

Հակավիրուսային միջոց վիտամին C-ն էներգիա է հաղորդում բակտերիաների ու վիրուսների դեմ դիմակայելու համար: Հիշեք ոսկե կանոնը՝ այն պահերին, երբ հատկապես հեշտ է հիվանդանալը, երբ շատ հոգնած եք, շփվում եք հիվանդ մարդու հետ, որքան հնարավոր է շուտ բարձրացրեք ձեր օրգանիզմում վիտամին C-ի մակարդակը։ Ջերմազգայուն վիտամին C-ն հանդիպում է միայն չեփած բանջարեղենի և մրգերի մեջ: Հատկապես շատ վիտամին C կա կիվիի, սև հաղարջի, ելակի, կեռասի, գուավայի, ցիտրուսային մրգերի, քաղցր և կծու պղպեղի, սամիթի, մաղադանոսի, սպանախի, կաղամբի, շաղգամի մեջ: Կանաչ թեյը, կարմիր գինին, մուգ շոկոլադը և կարմիր կամ սև հատապտուղները ևս օգնում են պահպանել վիտամին C-ի բավարար մակարդակը:

Ի՞նչն է թուլացնում իմունային համակարգը.

Հիմնականում հագեցած ճարպաթթուները։ Դրանք հանդիպում են մարգարինի, պանրի, տապակած սննդի մեջ։ Պետք է նաև նկատի ունենալ, որ մսամթերքի չարաշահումը կարող է հանգեցնել երկաթի պարունակության ավելացման, իսկ դա արագացնում է ախտածին բակտերիաների բազմացումը։ 

Բացի ճաշացանկը կարգի բերելուց, հիշեք, որ դիմադրողության բարձրացման համար անհրաժեշտ է նաև բավարար խորը քուն, սթրեսի կառավարում և ամենօրյա ֆիզիկական ակտիվություն։

Թեմայի մեջ

Գրադարան

Տեղեկատու

Ֆեյսբուքյան էջ