Հայկական Կարմիր խաչի ընկերության «Երիտասարդ առաջնորդների ակադեմիան» առաջին անգամ իր դռներն է բացում Երևանում և ՀՀ բոլոր մարզերում բնակվող 16-ից 25 տարեկան երիտասարդ նախաձեռնողների համար, տալով նրանց հնարավորություն հանդես գալու համայնքային խնդիրները լուծելու նորարական գաղափարներով:
Լուծումները պետք է սերտորեն առնչվեն Կայուն զարգացման նպատակերի (SDGs) հետ, ինչպես օրինակ՝ նվազեցնել անհավասարությունը, բարելավել կրթությունը, խթանել զբաղվածությունը, լուծել կլիմայի փոփոխության հետ կապված խնդիրները, պաշտպանել «Երկիր» մոլորակը և այլն:
Հայտերի ընդունման վերջնաժամկետն է սույն թվականի հուլիսի 3-ը, ժամը 23:59-ը:
Ընտրված մասնակիցները կհրավիրվեն հարցազրույցի, որից հետո 20 լավագույն գաղափարների հեղինակներն Աղվերանում հուլիսի 18-22-ը կմասնակցեն 5-օրյա ճամբարի:
Ամենահեռանկարային և նորարարական գաղափարներին կտրամադրվեն դրամաշնորհներ և մենթորական աջակցություն՝ գաղափարների իրականացման համար:
Հարցերի համար կարող եք զանգահարել՝ 060625069