«Երիտասարդների հնարավորությունների ակումբ» ՀԿ-ն իրականացնում է նոր ծրագիր՝ «Կապան համայնքում եկամուտ ստեղծելու հնարավորությունների խթանում՝ երիտասարդների կարողությունների զարգացման միջոցով» խորագրով:
Ծրագիրը տեղի է ունենալու Սյունիքի մարզում, և վերջինիս կարող են մասնակցել Կապան և Քաջարան խոշորացված համայնքների 16-40 տարեկան երիտասարդները:
Ծրագրի նպատակն է կազմակերպել ձեռնարկատիրական դասընթացներ և խթանել Սյունիքի մարզի Կապան և Քաջարան համայնքների երիտասարդների բիզնեսների զարգացումը, ինչպես նաև նպաստել հեռավոր բնակավայրերում եկամուտ ստեղծելու այլընտրանքային հնարավորությունների զարգացմանը:
Ծրագրի դրամաշնորհային ֆոնդը կազմում է 1 000 000 ՀՀ դրամ, ինչը բաշխվելու է ժյուրիի կողմից ընտրված լավագույն բիզնես գաղափարները ներկայացրած մասնակիցների միջև:
Ավելին՝ լավագույն բիզնես գաղափարները ներկայացրած մասնակիցները հնարավորություն կստանան մասնակցել Եվրոպայում իրականացվող «Էրազմուս +» ծրագրի կողմից ֆինանսավորվող փորձի փոխանակման ծրագրին, որտեղ կկարողանան կիսվել իրենց փորձով, ինչպես նաև հարստացնել իրենց գիտելիքները ձեռնարկատիրության վերաբերյալ:
Դրամաշնորհը ստացած մասնակիցները պարտավորվում են իրականացնել համաֆինանսավորում՝ ստացած դրամաշնորհի 30%-ի չափով:
Ծրագիրն իրականացվում է «ԱՄՔՈՐ Հայաստան» բարեգործական հիմնադրամի աջակցությամբ:
Ծրագրին դիմելու վերջնաժամկետն է հունվարի 20-ը:
