2023 թվականի սկզբին Ֆրանսիայի Հանրապետության Ստրասբուրգ քաղաքում տեղի ունեցած Եվրոպայի խորհրդի երիտասարդական հատվածին նվիրված ««Ժողովրդավարությունն այստեղ/ ժողովրդավարությունն այժմ» արշավի գնահատում և հետագա ընթացքի պլանավորում» համաժողովը «Ժողովրդավարությունն այստեղ/ ժողովրդավարությունն այժմ» երիտասարդական արշավի (
https://erit.am/am/view/1853 ) տրամաբանական շարունակությունն էր:
Համաժողովի նպատակն էր գործընկերների և շահագրգիռ կողմերի հետ`
- գնահատել «երիտասարդական արշավի արդյունքները տեղական, ազգային և միջազգային մակարդակներում՝ հատուկ շեշտադրում անելով իրականացված ծրագրերի ընթացքում ծագած հիմնական խնդիրներին և քաղած դասերին:
- նպաստել աշխատանքային ցանցերի ձևավորմանը և շահագրգիռ կողմերի միջև փորձի փոխանակմանը:
- մշակել արշավի համտեքստից բխող հետագա ծրագրերի մասին ընդհանուր պատկերացումները՝ հստակեցնելով մասնակիցներից յուրաքանչյուրի դերը տվյալ ծրագրերում, ինչպես նաև համապատասխան հաղորդակցման ուղիները և օժանդակ միջոցները:
- ««Ժողովրդավարությունն այստեղ/ ժողովրդավարությունն այժմ» արշավի գնահատում և հետագա ընթացքի պլանավորում» համաժողովի շրջանակներում հետագա գործողությունների պլանը մշակել՝ հատուկ շեշտադրում անելով ազգային և տեղական մակարդակի գործողությունները և դրանց համադրումը եվրոպական մակարդակով նախատեսված գործողությունների հետ:
Համաժողովը համախմբել էր շուրջ 80 մասնակիցների, որոնք բոլորն էլ ներգրավված են արշավում տարբեր դերերով, ինչպիսիք են՝ ծրագրեր իրականացնող կազմակերպությունները, անդամ երկրների ազգային կոնտակտային կետերը, երիտասարդ ակտիվիստները:
Համաժողովի ընթացքում ներկայացվել են երկու տեղական երիտասարդական կազմակերպությունների՝ «Եղվարդ» երիտասարդական, բնապահպանական հասարակական կազմակերպության և «Ուղի դեպի» երիտասարդական հասարակական կազմակերպության հետ համատեղ Նախարարության Երիտասարդական քաղաքականության, լրացուցիչ և շարունակական կրթության վարչության կողմից իրականացված ծրագրերը՝ «Միացե՛ք և նեգրավվեք» ճամբարը և «Երիտասարդները հանուն իմաստալից մասնակցության» 5 օրյա ծրագիրը:
ԵԽ երիտասարդության համար իրականացվող ծրագրերին ՀՀ կողմից ներգրավվածությունն էլ ավելի ամրապնդելու համար առաջարկվել է կազմակերպել հանդիպում ԵԽ հայաստանյան գրասենյակի ներկայացուցիչների և Ոլորտն համակարգող պատասխանատու գերատեսչության ներկայացուցիչների մասնակցությամբ:
Արշավի շարունակականությունը ապահովելու համար քննարկվել է նաև տարածաշրջանային՝ Հայաստանի դեպքում ԱլԳ երկրների հետ հնարավոր համատեղ միջոցառումների իրականացումը:
