Այսօր

Կարատե․ Մարտարվեստ, որը բնավորություն է ձևավորում (Տեսանյութ)

  17 Մայիս 2021  216 դիտում
Կարատե․ Մարտարվեստ, որը բնավորություն է ձևավորում (Տեսանյութ)

Ավանդական կարատեն սպորտ չէ, մարտարվեստ է, ասում է ավանդական կարատեի «Զեյթուն» ակումբի ղեկավար, Աշխարհի և Եվրոպայի չեմպիոն Նարեկ Իսկանդարյանն ու բացատրում՝ մարտարվեստը միևնույն ժամանակ և՛ հոգեբանական, և՛ ֆիզիկական, և՛ փիլիսոփայական հենք ունի․



«Կարատեն դաստիարակություն է։ Այստեղ սովորեցնում են հարգել իրար, ինքնապաշտպանվել, լինել պատրաստված ցանկացած խնդիրների դեպքում, հարգել ու պատասխանատու լինել հայրենիքի հանդեպ։ Ավանդական կարատեն ոչ մի կերպ կապ չունի ու չի ուսուցանում ագրեսիա», – ասում է նա։

Նարեկ Իսկանդարյանը կարատեով զբաղվում է 24 տարի։ Ավարտել է ֆիզիկական կուլտուրայի հայկական պետական ինստիտուտւը՝ կինեզիոլոգիա մասնագիտությամբ։ Ավանդական կարատեի «Զեյթուն» ակումբը հիմնադրվել է 2005թ․–ին։ Այսօրվա դրությամբ այն 250 սան ունի։ Ակումբի սաների թվում են Հայաստանի բազմակի չեմպիոններ, Եվրոպայի չեմպիոններ ու մրցանակակիրներ։

«Ակումբ կարելի է հաճախել 3,5 տարեկանից։ Ունենք հատուկ՝ կարատեի նախապատրաստական խմբակ։ Տարիքային վերին շեմի սահմանափակում չկա։ Քանի որ կինեզիոլոգ եմ, կարողանում եմ ճիշտ գնահատել թեկուզ տարեցների ֆիզիկական վիճակը, այնուհետև սկսել մարզել», – ասում է Նարեկը։

Սենսեյը նշում է՝ կարատեն մարդու մեջ դաստիարակում է հատկանիշներ, որոնք նրան պետք են գալու ամբողջ կյանքի ընթացքում։

«Կարատեով զբաղվողները լինում են կարգապահ և կարողանում են արագ կողմնորոշվել ցանկացած իրավիճակում։ Ավանդական կարատեի ֆեդերացիայում այսօր ունեք 1500–ից 2000 մարդ ու ես կարծում եմ, եթե ամբողջ Հայաստանում լիներ 10, 20 կամ 50 հազար կարատեիստ, միանշանակ շատ հարցերի ելքեր կփոխվեին, քանի որ թեկուզ վերջին պատերազմում մեզ, երևի թե, պակասեց նաև կարգապահությունը», – ասում է Նարեկը։

Մանրամասները՝ Erit.am-ի տեսանյութում։

Թեմայի մեջ

Գրադարան

Տեղեկատու

Ֆեյսբուքյան էջ